ოზურგეთის საკრებულოს თავმჯდომარეს ახალი მოადგილე ჰყავს

ოზურგეთის მუნიციპალიტეტის საკრებულომ, თავმჯდომარის მოადგილედ ნინო ჭანიშვილი აირჩია.

ნინო ჭანიშვილის კანდიდატურა კოლეგებს საკრებულოს თავმჯდომარე დავით დარჩიამ წარუდგინა. ის ფრაქცია “ქართული ოცნება-დემოკრატიული საქართველო”-ს წევრია და მუნიციპალიტეტის გენდერული თანასწორობის საბჭოს ხელმძღვანელობს.

ნინო ჭანიშვილმა ამ პოსტზე ნათია გოლიაძე შეცვალა, რომელიც გუშინ ოზურგეთის მერის მოადგილედ დაინიშნა.