ოზურგეთის რომელ სოფლებში მოწესრიგდება შიდა გზები – საკრებულოს ბიუროს სხდომა

კურორტ გომისმთაზე მერის წარმომადგენელი და ორი თანაშემწე ინიშნება. წარმომადგენლის ხელფასი 1100, ხოლო თანაშემწეების –  650 ლარი იქნება. ამასთან დაკავშირებით დღეს ოზურგეთის საკრებულოს ბიუროს სხდომაზე მსჯელობდნენ. ღნიშნული პროექტი ბიუროზე მოწონებულ იქნა.

ბიუროზე ასევე იმსჯელეს 2020-2021 წლებში, საქართველოს რეგიონებში განსახორციელებელი პროექტების ფონდიდან, ჩასატარებელ და დასაფინანსებელ ინფრასტრუქტურულ პროექტებზე. საუბარია სოფლად თუ ქალაქად შიდა გზების მოწესრიგებაზე. მაკვანეთი, მელექედური, ნატანები, გურიანთა, ნასაკირალი და კონჭკათი – აღნიშნულ სოფლებში, გარკვეულ უბნებეზე გზები მოწესრიგდება. ასევე ქალაქ ოზურგეთში ბესიკის პირველი შესახვევი, ჯანაშიას, დიუნანის ქუჩების რეაბილიტაციაა დაგეგმილი. თუმცა, როგორც მერის მოადგილე აცხადებს, ეს  იმ პროექტების არასრული ჩამონათვალია, რომელსაც აღმასრულებელი ორგანო ამზადებს.

საკრებულოს რიგგარეშე სხდომა 15 ივლისს 11 საათზე გაიმართება.