ოზურგეთის პოლიციის სამმართველოს უფროსმა თემურ სხრიტლაძემ თანამდებობა დატოვა და გურიის სამხარეო პოლიციის მთავარ სამმართველოში, უფროსის მოადგილის თანამდებობაზე გადაინაცვლა.
მან ამ პოსტზე სერგი ბზიშვილი ჩაანაცვლა, რომელიც შიდა ქართლის სამხარეო სამმართველოს უფროსის მოადგილედ გადავიდა.
რაც შეეხება ოზურგეთის პოლიციის უფროსის თანამდებობას _ “გურიაTV”-ს ექსკლუზიური ინფორმაციით, ამ თანამდებობას მალე არჩილ ახალკაცი დაიკავებს.
ახალკაცი ამჟამად ოზურგეთის პოლიციის სამმართველოს უფროსის მოადგილეა და როგორც შინაგან საქმეთა სამინისტროს პრესსამსახურში გვითხრეს, მინისტრის ბრძანებით უფროსის მოვალეობას ასრულებს.
ახალკაცი წარმოშობით კასპის მუნიციპალიტეტიდანაა და რამდენიმე წლის განმავლობაში, გურიის პოლიციაში სხვადასხვა მაღალ თანამდებობას იკავებდა.
ახალკაცი საზოგადოებამ რამდენიმე თვის წინ გაიცნო _ მან, სოფელ ძიმითში, დედასგან მიტოვებული ჩვილი სიკვდილს გადაარჩინა.
Loading ...
