მოგეხსენებათ, საქართველოს პრემიერ-მინისტრის დავალებით, ამ ეტაპზე, ვირუსის გავრცელების პრევენციისთვის, საჯარო სამსახურებში, მთელი ქვეყნის მასშტაბით შესაბამისი ღონისძიებები ტარდება.
შექმნილი ვითარების გათვალისწინებით, პრევენციულ ღონისძიებებს უერთდება ოზურგეთის საკრებულოც, საკრებულოს აპარატი.
კორონავირუსის გავრცელების პრევენციის მიზნით, დროებით იზღუდება საკრებულოში, საკრებულოს სხდომათა დარბაზში თემატური საჯარო ღონისძიებების ორგანიზება, აგრეთვე, საკრებულოში დაგეგმილი სხდომების ჩატარება.
საკრებულოს აპარატის თანამშრომლების უმრავლესობა დისტანციური შრომის რეჟიმზე გადადიან. დისტანციური შრომის რეჟიმში გადასვლის გადაწყვეტილება შეეხება ყველას, გარდა იმ თანამშრომლებისა, რომელთა დისტანციური შრომის რეჟიმში გადასვლა საკრებულოს საქმიანობას ზიანს მიაყენებს. დისტანციური შრომის რეჟიმში გადასვლა არ ნიშნავს სამუშაო საათების შემცირებას ან თანამშრომელთა შვებულებაში გაშვებას, ამდენად აღნიშნული გადაწყვეტილება საკრებულოს საქმიანობის ეფექტიანობას არ შეამცირებს. აღსანიშნავია, რომ საჭიროების შემთხვევაში, დისტანციური შრომის რეჟიმში გადასული თანამშრომელი სამსახურში მოთხოვნისთანავე, დაუყოვნებლივ, 1 საათის განმავლობაში უნდა გამოცხადდეს.
აღნიშნული გადაწყვეტილება არ შეეხებათ. საკრებულოს თავმჯდომარეს, მოადგილეს. ისინი მუშაობას ჩვეულ რეჟიმში განაგრძობენ.
ვთხოვთ მოქალაქეებს მაქსიმალურად შეიკავონ თავი ხალხმრავალ ადგილებში მისვლისგან, მათ შორის, მუნიციპალური სერვისების მომსახურებით სარგებლობისგან, თუ ამის უკიდურესი აუცილებლობა არ დგას.
გისურვებთ ჯანმრთელობას!
ოზურგეთის მუნიციპალიტეტის საკრებულო
Loading ...