ოზურგეთის ”მერცხალმა” მეხუთე ლიგის ბოლო გათამაშების მატჩი საკუთარ მოედანზე ჩაატარა და ხულოს ”ხიხანს” უმასპინძლა. მატჩი ორმხრივი უპირატესობით წარიმართა, ანგარიში ”მერცხალის” ფეხბურთელებმა გახსნეს და პირველი ტაიმი გამარჯვებით დაასრულეს. მეორე ტაიმში კი ”ხიხანი” მასპინძლებს დაეწია და ანგარიში გაათანაბრა, მეორე ტაიმის მეორე ნახევარში ”მერცხალმა” მეორე გოლით წაიწია წინ და საბოლოოდ გატანილი პენალტით გამარჯვება საბოლოოდ განიმტკიცა. მატჩი 3-1 ”მერცხალის” სასარგებლოდ დასრულდა.
ამით საქართველოს ჩემპიონატის დასავლეთ საქართველოს ”ბ” ჯგუფის რეგიონული ლიგა დასრულდა, სადაც ოზურგეთის ”მერცხალმა” ბოლო ადგილი დაიკავა. რაც შეეხება 2021 წლის ჩემპიონატს, ახალი სეზონი აპრილის ბოლოს დაიწყება.
კომენტარები
Loading ...