ოზურგეთის “მერცხალმა” სტუმრად, დიდი ანგარიშით გაიმარჯვა

საქართველოს საფეხბურთო ჩემპიონატის მეოთხე ლიგის მე-12 ტურში ოზურგეთის “მერცხალი” სტუმრად “მაჭახელას” შეხვდა.

მატჩი ოზურგეთელთა უპირატესობით წარიმართა და მათი გამარჯვებით დასრულდა, ანგარიშით 0-3.

უნდა აღინიშნოს, რომ მატჩის 83 წუთამდე ანგარიში 0-0 იყო. ოზურგეთელებმა ხუთ წუთში სამი გოლის გატანა შეძლეს. 83, 85 და 88 წუთებზე გოლები გაიტანეს – გიორგი კაშიამ, გიორგი ჭანუყვაძემ და ნოდარ მაჭავარიანმა.

12 ტურის შემდეგ “მერცხალს” 17 ქულა აქვს და მერვე ადგილზეა.

დღესვე საკუთარ მოედანზე ქულები დაკარგა ლიგის ლიდერმა, ლანჩხუთის “გურიამ”.

ლანჩხუთელებმა “გაგრა 2”-ს უმასპინძლეს და მხოლოდ ქულის მოპოვება შეძლეს. შეხვედრა 2-2 დასრულდა.

ლანჩხუთელთაგან გოლები გაიტანეს ვანო შარვაძემ და ანრი ზაქარიაძემ.

ამ ტურის შემდეგ ლიგაში ლიდერი შეიცვალა. პირველ ადგილზე “ალგეთია” 28 ქულით, “გურიას” 27 ქულა აქვს და მეორე ადგილზე იმყოფება.

მორიგი ტურის მატჩები 25 ივნისს გაიმართება. ამ დღეს ოზურგეთში გურული დერბი შედგება, “მერცხალი” “გურიას” დაუპირისპირდება.