ოზურგეთის “მერცხალმა” სტუმრად ქულა მოიპოვა

რამდენიმე წუთის წინ დასრულდა საქართველოს საფეხბურთო ჩემპიონატის, მეოთხე ლიგის მეათე ტურის შეხვედრა ხაშურში “ივერიასა” და ოზურგეთის “მერცხალს” შორის.

ოზურგეთელები შეხვედრის დასაწყისში დაწინაურდნენ, გოლი მე-14 წუთზე დიმიტრი ჯაფარიძემ გაიტანა. მასპინძლება ანგარიშის გათანაბრება შეხვედრის ბოლოსთვის, 70- ე წუთზე შეძლეს.

საბოლოოდ ფრე, 1-1.

“მერცხალს” 10 ტურის შემდეგ 14 ქულა აქვს და კვლავ მერვე ადგილზეა.

დღევანდელ ტურში გალიდერდა ლანჩხუთის “გურია”, რომელმაც დღესვე “ალგეთი” 3-0 დაამარცხა და 23 ქულით გათამაშების სათავეში მოექცა.

მორიგ შეხვედრას “მერცხალი” 7 ივნისს, საკუთარ მოედანზე გამართავს და “ზესტაფონს” უმასპინძლებს.

შეხვედრა ოზურგეთის ცენტრალურ სტადიონზე 17სთ 30 წუთზე დაიწყება.

რაც შეეხება “გურიას”, იგი სტუმრად, “მერანი 2”-ს შეხვდება.