ოზურგეთის “მერცხალმა” სტუმრად გაიმარჯვა

საქართველოს საფეხბურთო ჩემპიონატის მეოთხე ლიგაში ოზურგეთის “მერცხალი” სტუმრად თბილისში, “იბერია 2010”-ს შეხვდა.

დაძაბული შეხვედრა ოზურგეთელების გამარჯვებით დასრულდა 2-3.

თავიდან, მასპინძლები დაწინაურდნენ. ისინი მე-18 წუთისთვის უკვე 2-0-ს იგებდნენ. 30 წუთზე ოზურგეთელმა ნიკოლოზ მარშანიშვილმა ერთი ბურთით შეამცირა სხვაობა და პირველი ტაიმიც ამ ანგარიშით დასრულდა, 2-1.

მეორე ტაიმში “მერცხალმა” კიდევ უფრო მოუმატა და 69-ე წუთზე ანგარიში გაათანაბრა.

მატჩის ბოლო წამებზე (97 წუთი) ოზურგეთელმა  ლაშა ცერცვაძემ მესამე გოლი გაიტანა და “მერცხალს” მნიშვნელოვანი გამარჯვება მოუპოვა.

აღსანიშნავია, რომ გუშინ თავისი შეხვედრა მოიგო ლანნჩხუთის “გურიამაც”, რომელმაც სახლში “სამგურალი 2”-ს მოუგო 1-0. ერთადერთი გოლი თამაზ შალიკაშვილმა გაიტანა.

6 ტურის შემდეგ “გურიას” 11 ქულა აქვს და მეხუთე ადგილზეა. 8 ქულით მეათე ადგილზეა ოზურგეთის “მერცხალი”.

მორიგი ტური 14 მაისს შედგება. “მერცხალი” “ვიტ ჯორჯია 2”-ს უმასპინძლებს, ხოლო “გურია” სტუმრად, ვანში “სულორს” შეხვდება.

“მერცხალის” შეხვედრა ოზურგეთის ცენტრალურ სტადიონზე 17 საათზე დაიწყება.