ოზურგეთის “მერცხალმა” მორიგი გამარჯვება მოიპოვა

საქართველოს საფეხბურთო ჩემპიონატის მეოთხე ლიგაში ოზურგეთის “მერცხალმა” დღეს “ვიტ ჯორჯია 2”-ს უმასპინძლა.

შეხვედრა  უხვგოლიანი გამოდგა და  ოზურგეთელთა უპირატესობით წარიმართა. მატჩის დასწისში, მე-9 წუთზე ანგარიში ოზურგეთელმა  ნიკოლოზ მარშანიშვილმა გახსნა. მანვე, 57-ე წუთზე ორამდე გაზარდა ანგარიში. ორ წუთში დავით ბოლქვაძემ ოზურგეთელთა უპირატესობა სამამდე გაზარდა. თუმცა 64-ე და 66-ე წუთებზე სტუმრებმა ორი გოლი გაიტანეს და ანგარიშში სხვაობა შეამცირეს.

71-ე წუთზე გიორგი ჭანუყვაძემ, 11 მეტრიანი დარტყმით მეოთხედ აიღო “ვიტ-ჯორჯიას” კარი.

საბოლოოდ “მერცხალმა” “ვიტ ჯორჯია 2” ანგარიშით 4-2 დაამარცხა.

მომდევნო მატჩს “მერცხალი” სტუმრად, 21 მაისს გამართავს და “არაგველებს” შეხვდება.

დღევანდელ ტურში გამარჯვება მოიპოვა ლანჩხუთის “გურიამაც”. მან სტუმრად ვანის “სულორი” დაამარცხა 0-2.

8 ტურის შემდეგ “ ოზურგეთის “მერცხალს” 11 ქულა აქვს და მერვე ადგილზეა. ლანჩხუთის “გურია” 14 ქულით ამ მომენტისთვის მეოთხე ადგილზე იმყოფება.