ოზურგეთის “მერცხალმა” დიდი ანგარიშით გაიმარჯვა

საქართველოს საფეხბურთო ჩემპიონატის მეოთხე ლიგის 27 ტურში, ოზურგეთის “მერცხალი” საკუთარ მოედანზე ლიგის აუტსაიდერს “მაჭახელას” შეხვდა.

მატჩი მასპინძელთა სრული უპირატესობით წარიმართა. “მერცხალი” უკვე პირველ ტაიმში იგებდა დიდი ანგარიშთ, 4-0.

გოლები პირველ ტაიმში თენგიზ ალიევმა, დავით ბოლქვაძემ (2) და ნოდარ მაჭავარიანმა გაიტანეს.

მეორე ტაიმში გუნდებმა თითო გოლი გაცვალეს. ოზურგეთელთაგან კიდევ ერთი გოლი თენგიზ ალიევმა გაიტანა.

საბოლოოდ “მერცხალმა” გაიმარჯვა, 5-1 და 33 ქულა დააგროვა.

სტუმრად იასპარეზა ლანჩხუთის “გურიამ”, რომელიც “გაგრა 2”-ს აუპირისპირდა. შეხვედრა აქაც გურულების გამარჯვებით დასრულდა 0-2. ლანჩხუთელთაგან გოლები ვანო წილოსანმა და ალექსანდრე წულაძემ გაიტანეს.

ჩემპიონატის დასრულებმადე სამი ტურით ადრე “გურია” მესამე ადგილზეა, ხოლო “მერცხალი” მე-11 ადილზე იმყოფება და უკვე ორი საფეხურით უსწრებს აუტსაიდერთა ჯგუფს.