ოზურგეთის “მერცხალმა” და ლანჩხუთის “გურიამ” თითო-თითო ქულა მოიპოვეს

საქართველოს საფეხბურთო ჩემპიონატის მეოთხე ლიგაში დღეს 24-ე ტურის მატჩები გაიმართა.

ოზურგეთის „მერცხალ“ 24-ე გასვლით მატჩში ფოთში „კოლხეთი 2“-ს შეხვდა. „მერცხალი“ ორჯერ დაწინაურდა ამ მატჩში და ბოლო  წუთამდე 3:2 იგებდა, თუმცა 90-ე წუთზე ფოთელებმა შეძლეს თამაშის გადარჩენა. საბოლოოდ ფრე 3:3.

გოლები ოზურგეთელთაგან ლაშა კოტრიკაძემ, გიორგი კაშიამ და გიორგი ჭანუყვაძემ გაიტანეს.

ლანჩხუთის „გურია“ სახლში აბაშის „ზანას“ მასპინძლობდა. მატჩი ფრედ 1:1 დასრულდა. გოლი ლანჩხუთელთაგან თეიმურაზ შარაშენიძემ გაიტანა.

ლანჩხუთელებს 24 ტურის შემდეგ 45 ქულა აქვთ და გათამაშების ცხრილში მე-3 ადგილზე იმყოფებიან.

რაც შეეხება „მერცხალს“, იგი 24 ტურის შემდეგ 27 ქულით მე-12 ადგილზე იმყოფება.

22 ოქტომბერს მორიგ ტურში „მერცხალი“ ივერიას“ უმასპინძლებს, ხოლო “გურია” სტუმრად „ალგეთს“ შეხვდება.