ბოლო წუთებზე გატანილი გოლებით “მერცხალმა” სტუმრად გაიმარჯვა, “გურიამ” კი სახლში ქულა აიღო

საქართველოს საფეხბურთო ჩემპიონატის მეოთხე ლიგის მორიგ ტურში ოზურგეთის “მერცხალი” სტუმრად “ზესტაფონს” შეხვდა.

შეხვედრა დაძაბული და უხვგოლიანი გამოდგა. პირველი ტაიმის შემდეგ მასპინძლები იგებდნენ 3-2.  ამ ანგარიშმა მატჩის ბოლო წუთამდე გასტანა, “მერცხალმა” მატჩის მიწურულს შეძლო თამაშის გადარჩენა და 86 და 91 წუთებზე ორი გოლი გაიტანა. საბოლოდ 3-4 ოზურგეთელთა სასარგებლოდ.

ოზურგეთელთაგან გოლები ლაშა კოტრიკაძემ (2),  ნოდარ მაჭავარიანმა და გიორგი ჭანუყვაძემ გაიტანეს.

სამწუხაროდ საკუთარ მოედანზე ქულები დაკარგა ლანჩხუთის “გურიამ”. “გურია” მთელი მატჩის განმავლობაში აგებდა და მხოლოდ 95 წუთზე მოახერხა ანგარიშის გათანაბრება.

გოლი ლანჩხუთელთაგან გელა ბენდელიანმა გაიტანმა.

26 ტურის შემდეგ ლანჩხუთის “გურიას” 49 ქულა აქვს და მესამე ადგილზეა.

30 ქულა აქვს “მერცხალს” და მან ერთი საფეხურით ზევით, მე-12 ადგილზე აინაცვლა.

მორიგი ტურის მატჩები 5 ნოემბერს გაიმართება. “მერცხალი” საკუთარ მოედანზე მაჭახელას მიიღებს, “გურია” კი სტუმრად “გაგრა 2”-ს შეხვდება.