ოზურგეთის “მერცხალი” საკუთარ მოედანზე მორიგ შეხვედრას გამართავს

საქართველოს საფეხბურთო ჩემპიონატის მეოთხე ლიგაში ოზურგეთის “მერცხალი”  საკუთარ მოედანზე “გაგრა 2”-ს უმასპინძლებს.

შეხვედრა ოზურგეთის ცენტრალურ სტადიონზე 14 საათზე დაიწყება.

“მერცხალისთვის” ამ, ისევე როგორც დარჩენილ კიდევ ორ შეხვედრას სასიცოცხლო მნიშვნელობა აქვს. ლიგის გათამაშების დასრულებამდე ოზურგეთელებს სამი შეხვედრა დარჩათ. დღეისათვის მათ 31 ქულა აქვთ და მე-11 ადგილზე იმყოფებიან. “მერცხალი” გასავარდნ ზონაში მყოფ “ვიტ ჯორჯია 2”-ს მხოლოდ სამი ქულით უსწრებს. ამიტომაც ყველა ქულას გათამაშების ფინიშზე დიდ ფასი აქვს, რათა “მერცხალმა” შეინარჩუნოს ადგილი ლიგაში.

ხვალინდელი თამაშის შემდეგ ოზურგეთელი ფეხბურთელები 20 ნოემბერს ისევ სახლში იასპარეზებენ და “სამგურალი 2”-ს მიიღებენ, ხოლო ბოლო ტურში, სტუმრად 30 ნოემბერს თბილისში, “ვარკეთილი 2”-ს შეხვდებიან.