ოზურგეთის “მერცხალი” საკუთარ მოედანზე, ხოლო ლანჩხუთის “გურია” სტუმრად დამარცხდა

საქართველოს საფეხბურთო ჩემპიონატის მეოთხე ლიგაში ოთხშაბათს , 8 ოქტომბერს 23-ე ტურის მატჩები გაიმართა. ოზურგეთის “მერცხალმა” საკუთარ მოედანზე “არაგველები’’ მიიღო და დიდი ანგარიშით, 1-4 დამარცხდა. მასპინძელთაგან ერთადერთი 45-ე წუთზე ნოდარ მაჭავარიანმა გაიტანა. წალენჯიხაში სქურთან დამარცხდა ლანჩხუთის გურიაც, ანგარიშით 1-0. 23 ტურის შემდეგ გურიას კვლავ 44 ქულა აქვს და მეოთხე ადგილზეა, ხოლო მერცხალი 26-ქულით მე-11 ადგილზე იმყოფება. მორიგ შეხვედრებს გურიის გუნდები 15 ოქტომბერს გამართავენ. მერცხალი სტუმრად კოლხეთი 2-ს შეხვდება, გურია კი აბაშის ზანას უმასპინძლებს.