ოზურგეთის “მერცხალი” საკუთარ მოედანზე დამარცხდა

საქართველოს საფეხბურთო ჩემპიონატის მეოთხე ლიგის მორიგ ტურში ოზურგეთის “მერცხალმა” ვანის “სულორს” უმასპინძლა.

დაძაბული შეხვედრა სტუმართა გამარჯვებით დასრულდა.

პირველი უგოლო ტაიმის შემდეგ, მეორე ნახევარში თენგიზ ალიევმა დააწინაურა ოზურგეთელები. თუმცა “სულორმა” ორი გოლის გატანა შეძლო. საბოლოოდ ვანელმა ფეხბურთელებმა გაიმარჯვეს ანგარიშით 1:2.

3 თამაშის შემდეგ “მერცხალს” 4 ქულა აქვს და მეათე ადგილზე იმყოფება.

მორიგ შეხვედრას “მერცხალი” 2 მაისს სტუმრად, “დიდუბესთან” გამართავს.