
ხვალ სტარტს იღებს საქართველოს საფეხბურთო ჩემპიონატის მეოთხე ლიგის ახალი სეზონი.
გურიიდან ამ ლიგაში ორი გუნდი იასპარეზებს – ოზურგეთის “მერცხალი” და ლანჩხუთის “გურია”. “მერცხალმა” შარშან შეინარჩუნა ლიგაში ასპარეზობის უფლება, რაც შეეხება “გურიას”, იგი გასული წლის წარუმატებელი სეზონის შემდეგ მესამე ლიგიდან დაქვეითდა.
ხვალ, 2 აპრილს “გურია” სახლში აისპარეზებს და “კოლხეთი 2”-ს შეხვდება, ხოლო “მერცხალი” სტუმრად ჯვარში, “სქურს” ეწვევა.
შეხვედრები 16 საათზე დაიწყება.
ოზურგეთის “მერცხალი” პირველ საშინაო შეხვედრას, 9 აპრილს გამართავს და აბაშის “ზანას” მიიღებს.
ამავე დღეს “გურია” სტუმრად ხაშურში “ივერიას” შეხვდება.
კომენტარები