ოზურგეთის “მერცხალის” პირველი გამარჯვება ახალ სეზონში

საქართველოს საფეხბურთო ჩემპიონატის მეოთხე ლიგაში დღეს მეორე ტურის მატჩები გაიმართა.

ოზურგეთის “მერცხალმა” საკუთარ მოედანზე მარტვისლის “მერანი 2”-ს უმასპინძლა და დიდი ანგარიშით გაიმარჯვა, 3-0.

გოლები ოზურგეთელთაგან გიორგი ჭანუყვაძემ, ნოდარ მაჭავარიანმა და კოკა შენგელიამ გაიტანეს.

გუშინ მეოთხე ლიგაში თავისი შეხვედრა გამართა ჩოხატაურის “ბახმარომ”. ჩოხატაურლები სტუმრად “არაგვი 2” თან დამარცხდნენ 0-2.

ორი ტურის შემდეგ “მერცხალს” 3 ქულა აქვს, “ბახმარომ” ჯერჯერობით ქულის მოპოვება ვერ შეძლო.

მომდევნო შეხვედრები 16 აპრილს გაიმართება. “მერცხალი” “კოლხეთი 1913 – 2” ესტუმრება, ხოლო “ბახმარო” “ლოკომოტივ 2”-ს უმასპინძლებს.