ოზურგეთის მერობის კანდიდატი ”ქართული ოცნებიდან” პაატა კუნჭულია ფეისბუქზე განცხადებას აქვეყნებს:
”ჩემთვის დიდი პატივი და ამავე დროს, დიდი პასუხისმგებლობაა ვიყო ოზურგეთის – ჩემი მშობლიური ქალაქის – მერობის კანდიდატი.
პირველ რიგში, მადლობას ვუხდი გუნდს გამოცხადებული ნდობისთვის. ქართული ოცნების მხარდაჭერა ჩემთვის უდიდესი მოტივაციაა, რათა ენერგიულად და თავდაუზოგავად შევუდგე ჩვენი ქალაქის განვითარებასა და ოზურგეთელების კეთილდღეობაზე ზრუნვას.
ჩვენ ერთად აუცილებლად შევძლებთ ახალი პროექტების განხორციელებას და იმ ინიციატივების რეალიზაციას, რომლებიც ჩვენი თანამოქალაქეების საჭიროებებს ეხმიანება.
განსაკუთრებულ მადლობას ვუხდი ჩემს ოჯახს, მეგობრებსა და თითოეულ ოზურგეთელს მხარდაჭერისთვის.
მშვიდობა საქართველოს
მეტი განვითარება ოზურგეთს”- ნათქვამია პაატა კუნჭულიას პოსტში.
კომენტარები
Loading ...