ეროვნულ ბიბლიოთეკაში სტუდენტური მოკლე ფილმების კონკურსი ‘’აგრისთორი’’ ჩატარდა. კონკურსი USAID-ის სოფლის მეურნეობის პროგრამის და ჟურნალისტიკის რესურსცენტრის მიერ იყო ორგანიზებული.
კონკურსში, რომლის მიზანი რეგიონული უნივერსიტეტების ჟურნალისტიკის ფაკულტეტის სტუდენტების წახალისება და აგრო ჟურნალისტიკის მიმართულებით მათი შესაძლებლობების გაძლიერება იყო, 6 უნივერსიტეტი და ოზურგეთის კოლეჯი ‘’ჰორიზონტი’’ მონაწილეობდა.
კონკურსში მონაწილე სტუდენტებმა შვიდი მოკლე ფილმი წარმოადგინეს, რომლებიც USAID -ის სოფლის მეურნეობის პროგრამის და სხვადასხვა აგრომიმართულების განვითარებაში საქართველოს მთავრობის როლს ეხებოდა.
საკმაოდ საინტერესო და მაღალი დონის კონკურენციის პირობებში, კონკურსის გამარჯვებული პროფესიული კოლეჯი “ჰორიზონტი” გახდა. ჟიურის განმარტებით, სტუდენტების მიერ გადაღებული ფილმი გამოირჩეოდა საუკეთესო სცენარით, ვიდეოგრაფიით და გადაღების ტექნიკით. ‘’ჰორიზონტის’’ გუნდი ასევე გახდა 3 ორგანიზაციის რჩეული, კიდევ არაერთი პრიზი დაიმსახურა და საერთო ჯამში კონკურსის ჟიურისა და დამსწრე აუდიტორიის ფავორიტი გახდა.
კომენტარები
Loading ...
