ოზურგეთის თეატრის უპრეცედენტო მასშტაბის გასტროლი დედაქალაქში

მიმდინარე წლის 1 ნოემბრიდან 11 ნოემბრის ჩათვლით, ოზურგეთის ალექსანდრე წუწუნავას სახელობის პროფესიული სახელმწიფო დრამატული თეატრი საქართველოს კულტურის, სპორტისა და ახალგაზრდობის სამინისტროს მხარდაჭერით უპრეცედენტო მასშტაბის გასტროლებს მართავს თბილისში, რუსთავსა და გორში.1 -8 ნოემბრის ჩათვლით , ოზურგეთის სახელმწიფო დრამატული თეატრი, თბილისის ხუთი თეატრის სცენაზე  7 სპექტაკლს წარმოადგენს. საგასტროლო სპექტაკლებად შეირჩა ოზურგეთის თეატრის ბოლო პერიოდის საუკეთესო დადგმები, რომლებიც ოზურგეთის თეატრში სხვადასხვა თაობის ცნობილმა ქართველმა სათეატრო რეჟისორებმა დადგეს.

• 1 ნოემბერი – ,,რესპუბლიკა გურია“- ნიკოლოზ  საბაშვილის  საავტორო სპექტაკლი – შოთა რუსთაველის სახელობის ეროვნული თეატრი

19:00 საათი

• 2 ნოემბერი – ,,ცის კარი“  (ნოდარ დუმბაძე)  ელენე მაცხონაშვილის  საავტორო  სპექტაკლი-   ნოდარ დუმბაძის  მოზარდ მაყურებელთა სახელმწიფო  პროფესიული  თეატრი

19:00 საათი

• 3 ნოემბერი- ,,3+3“  მ. დოიაშვილი,  რეჟ. იოანე  (ვანო) ხუციშვილი,

     მიხეილ თუმანიშვილის  კინომსახიობთა  თეატრი

                                                                                                                          20:00 საათი

 

• 4 ნოემბერი- – ,,დონ კიხოტი“,  მიგელ დე სერვანტესის  მიხედვით,  ელენე მაცხონაშვილის საავტორო სპექტაკლი-  თავისუფალი  თეატრი

                                                                                                                          19:00 საათი

• 5 ნოემბერი – ,,იმერული რეკვიემი“, რ. კლდიაშვილი,  რეჟ.  ვასო ჩიგოგიძე, ოთარ კუტალაძე, ალექსანდრე  გრიბოედოვის  სახელობის  რუსული  დრამატული  თეატრი

19:00 საათი

• 6 ნოემბერი – ,,დედაომი“ დ. თავაძე, რეჟ. საბა ასლამაზიშვილი,

 მიხეილ  თუმანიშვილის  კინომსახიობთა თეატრი

                                                                                                                          18:00  საათი

• 7 ნოემბერი -,,ცის კარი“ , ელენე მაცხონაშვილის საავტორო სპექტაკლი,

ნოდარ დუმბაძის  მოზარდ  მაყურებელთა სახელმწიფო  პროფესიული თეატრი

12:00  საათი

8  ნოემბერი –   ,,გურიის დედოფალი“,  თ. პაპავას ნაწარმოებების მიხედვით,

რეჟ. გოჩა კაპანაძე- ალექსანდრე  გრიბოედოევის  სახელობის  რუსული  დრამატული  თეატრი                                                                                                                          

                                                                                        19:00 საათი

თბილისური ტურნეს ფარგლებში, ოზურგეთის თეატრი მონაწილეობს კომედიის საერთაშორისო ფესტივალში რუსთავში სტუმრის სტატუსით, შესაბამისად  9 ნოემბერს- გიგა ლორთქიფანიძის სახელობის დრამატულ თეატრში  ფესტივალის ფარგლებში, ოზურგეთის თეატრი გოჩა კაპანაძის სპექტაკლს „გურიის დედოფალი“ წარმოადგენს, ხოლო 11 ნოემბერს ოზურგეთის თეატრს გორის გიორგი ერისთავის სახელობის თეატრი უმასპინძლებს. გორელ მაყურებელს საშუალება ექნება ოზურგეთის თეატრის ორი სპექტაკლი იხილოს- 14: 00 საათზე წარმოდგენილი იქნება ელენე მაცხონაშვილის საავტორო სპექტაკლი „ცის კარი“, რომელიც ნოდარ დუმბაძეს ეძღვნება, ხოლო 19:00 საათზე, გორის თეატრის დიდი სცენა გოჩა კაპანაძის სპექტაკლს „გურიის დედოფალი“ დაეთმობა.