23_25 ივლისს ქალაქ ქუთაისში მოყვარულ ჩოგბურთელთა ტურნირი ,,ქუთაისის მერიის თასი” ჩატარდა,რომელშიც ოზურგეთელმა ჩოგბურთელებმაც მიიღეს მონაწილეობა. პირველი ეტაპი გადალახეს დავით თავართქილაძემ,პაატა ნიკოლაიშვილმა და ნიკოლოზ ქუტიძემ.ორი თამაში მოიგო და რვა საუკეთესო ჩოგბურთელს შორის მოხვდა გივი სიამაშვილი,რომელიც ბრძოლას მომავალ ჩემპიონთან ზვიად კალმახელიძესთან მეოთხედფინალში გამოეთიშა.უმაღლეს დონეზე ჩაატარა ტურნირი ოზურგეთელმა ილია გელაშვილმა,რომელმაც ოთხი შეხვედრა მოიგო და საბოლოოდ 60-მდე მონაწილეს შორის მეორე ადგილს და ვერცხლის მედალს დაეუფლა.გელაშვილმა მხოლოდ ფინალური მატჩი დათმო ზვიად კალმახელიძესთან ,რომელსაც 70 სამოყვარულო ტურნირი აქვს მოგებული.ფინალური მატჩის შემდეგ ტურნირის მონაწილეებსა და გამარჯვებულებს ქუთაისის მერიის მიერ დაწესებული სამახსოვრო სიგელები,თასები და ფულადი პრიზები გადაეცათ.ოზურგეთელ ჩოგბურთელთა თამაშმა კი ისევ დაიმსახურა ორგანიზატორთა თუ მონაწილეთა სიმპატია და პატივისცემა.
Loading ...