დღეს ოზურგეთის მუნიციპალიტეტის სოფელ ბოხვაურის სტადიონზე საფეხბურთო, ამხანაგური მატჩი ოზურგეთის მუნიციპალიტეტის სპორტულ-გამაჯანსაღებელ დაწესებულებათა გაერთიანებასთან არსებულმა საფეხბურთო სექციის ფეხბურთელებმა, თბილისის ,,ვიტ ჯორჯიას” გუნდთან გამართეს. თამაში აზარტულად, საინტერესოდ და დაძაბულად წარიმართა. ოზურგეთელი ფეხბურთელების უპირატესობა აშკარა იყო და მატჩიც შესაბამისად, დიდი ანგარიშით 7:1 დასრულდა.
გუნდი ასპარეზობისათვის – გოჩა კრასოტკინმა, რამაზ ასკურავამ, თორნიკე წულაძემ და გია გოგუამ მოამზადეს. მორიგი ამხანაგური თამაში, იგივე გუნდებს შორის , სამშაბათს , ისევ ბოხვაურის სტადიონზე, 17 სთ. გაიმართება. ოზურგეთელმა ფეხბურთელებმა სამეგრელოს ზონის პირველი ტურის გათამაშება წარმატებით დაასრულეს და გათამაშების ლიდერები არიან.
კომენტარები
Loading ...