16 -18 ნოემბერს თბილისში , ფეხბურთში, ტრადიციული ტურნირი ”მეგობრობის თასი” გაიმართა. შეჯიბრის მიზანი ბავშთა კვალიფიკაციისა და მათი მომზადების შემოწმება იყო. აღნიშნულ ტურნირზე, სადაც საქართველოდან და მეზობელი ქვეყნებიდან 8 გუნდი იღებდა მონაწილეობას, ოზურგეთელმა ფეხბურთელებმა მაღალი დონე აჩვენეს.
ოზურგეთის მუნიციპალიტეტის სპორტულ-გამაჯანსაღებელ დაწესებულებათა გაერთიანებასთან არსებულმა საფეხბურთო სექციის სპორტსმენებმა, 2006 – 2008 წლებში დაბადებულთა შორის იასპარეზეს.
პირველი შეხვედრა ოზურგეთის გუნდმა თბილისის ,, ფორვარდთან,, ( ნორჩი დინამოს ბაზა) 3:2 მოიგო. შემდეგ ,, ვიტ ჯორჯიას 4:1 სძლია ოზურგეთელებმა მხოლოდ ერთი ფრე, 35-ე სკოლასთან 4:4 ითამაშეს. ნახევარფინალში კი ”ნორჩ დინამოელებს” ( თემქა) 2:1 მოუგეს. ფინალში კი აზერბაიჯანელები გამანადგურებელი ანგარიშით 6:1 დაამარცხეს.
გამარჯვებულებს თასი, მედლები და სიგელები გადაეცათ. გუნდი ასპარეზობისათვის გოჩა კრასოტკინმა მოამზადა. აღსანიშნავია, რომ 35-ე სკოლა კვლავ დაინტერესდა ოზურგეთელი ახალგაზრდა ფეხბურთელებით. სკოლა 8 ფეხბურთელის წაყვანას აპირებს. მათ შორის, ბექა გოგოლაურს საფეხბურთო სკოლა თავისი ხარჯებით წაიყვანს და იქ მის ცხოვრებას უზრუნველყოფს.
Loading ...