ყაზახეთში, ქალაქ ალმაატაში, 27 – 28 აგვისტოს მკლავჭიდში მსოფლიო ჩემპიონატი გაიმართა. საერთაშორისო ასპარეზობაში, სადაც მსოფლიოდან ასობით სპორტსმენი , ყველა წონით კატეგორიაში იღებდა მონაწილეობას, წარმატებით იასპარეზეს ოზურგეთის მუნიციპალიტეტის სპორტულ – გამაჯანსაღებელ დაწესებულებათა გაერთიანებასთან არსებულმა მკლავჭიდის სექციის სპორტსმენებმა – ანრი სურმანიძემ და საბა ეზიეშვილმა. ოზურგეთელი მკლავჭიდელები შინ მედლებით , ერთი ვერცხლითა და ერთი ბრინჯაოთ ბრუნდებიან. II ადგილი ანრი სურმანიძე, III ადგილი საბა ეზიეშვილი.
შეგახსენებთ, რომ ანრი სურმანიძე წელს ევროპის ჩემპიონი გახდა, და დიდი სიხარული მოგვანიჭა, ამჯერად მსოფლიოზე ანრი ვიცე – ჩემპიონობას დასჯერდა. რაც შეეხება ევროპის ვიცე – ჩემპიონს დაჩი ჩხაიძეს,, ფორტუნა და იღბალი მსოფლიოზე ნაკლებად აღმოჩნდა მის მხარეს. იგი საპრიზო ადგილის გარეშე დარჩა და მეოთხე ადგილს დასჯერდა. ბიჭებმა ახალგაზრდებში იასპარეზეს.
მსოფლიოზე 1 სექტემბერს მძიმე წონით კატეგორიაში კიდევ ერთი ოზურგეთელი დავით თენიეშვილი გამოვა. მწვრთნელები : გიორგი რუსიეშვილი, ილია ჟვანია, ზურაბ ბურჭულაძე.
მსოფლიოზე ოზურგეთელი მკლავჭიდელების გამგზავრება ოზურგეთის მუნიციპალიტეტის სპორტულ – გამაჯანსაღებელ დაწესებულებათა გაერთიანების , ოზურგეთის მერიისა და ადგილობრივი ბიზნესმენებისა და მეწარმეების მხარდაჭერით მოხდა. ,, რომ არა ჩვენი გაერთიანება, ოზურგეთის მერია და ადგილობრივი ბიზნესმენები ჩემი ბიჭები მსოფლიოზე გამგზავრებას ვერ შეძლებდნენ. მადლობა ყველას, განსაკუთრებით ბიზნესმენებს, რომლებმაც მხარდაჭერა გამოგვიცხადეს, დაგვიდგნენ გვერდზე და დაგვაფინანსეს. ჩემმა სპორტსმენებმა ძალიან გამახარეს, მსოფლიოზე ვერცხლის და ბრინჯაოს მოპოვება იოლი საქმე არაა?! მიხარია ძალიან! ვულოცავ გულშემატკივრებს და მთლიანად ოზურგეთს. ეს ბიჭები კიდევ იტყვიან თავიანთ სათქმელს” – გიორგი რუსიეშვილი – მკლავჭიდის მწვრთნელი.
კომენტარები
Loading ...