ოზურგეთელი ჭაბუკი მოჭიდავეები საქართველოს ჩემპიონატის პრიზიორები გახდნენ

5 – 7 მარტს გურჯაანში უმცროს ჭაბუკთა შორის ბერძნულ – რომაულ ჭიდაობაში საქართველოს პირველობა ჩატარდა. შეჯიბრზე წარმატებით იასპარეზეს ოზურგეთის მუნიციპალიტეტის სპორტულ – გამაჯანსაღებელ დაწესებულებათა გაერთიანებასთან არსებულმა ჭიდაობის სექციის სპორტსმენებმა. ასპარეზობიდან ამჯერად ოზურგეთელებმა ერთი ვერცხლისა და ორი ბრინჯაოს წამოღება შესძლეს. პირველობაზე საბა ცისკარიძემ – ( 62 კგ) მეორე ადგილი, საბა სირაძემ – (75 კგ.) და ლუკა ფიფიამ ( 38 კგ. ) კი მესამე ადგილი დაიკავეს. საქართველოს პრიზიორები ასპარეზობისათვის მწვრთნელებმა – ძმებმა ზურაბიანებმა, კობა ბალავინოვინოვმა, ლაშა გუჯაბიძემ და კახაბერ აბაშიძემ მოამზადეს.