ოზურგეთელი რაგბისტები ახალ სეზონში პირველ საშინაო მატჩს ჩაატარებენ

შაბათს, 24 სექტემბერს, რაგბში საქართველოს ჩემპიონატის პირველი ლიგის ახალი სეზონის მეორე ტური შედგება.

ოზურგეთის “არწივები” ცენტრალურ სტადიონზე ქუთაისის “ბაგრატს” უმასპინძლებს.

შეხვედრა “მერცხალის” სტადიონზე 16 საათზე დაიწყება. მატჩზე დასწრება თავისუფალია.

ახალი სეზონი ოზურგეთელმა რაგბისტებმა მოგებით დაიწყეს. სეზონის გახსნით მატჩში “არწივებმა” რუსთავში პატარძეულის “ვეფხვები” ანგარიშით 15:22 დაამარცხეს.