ოზურგეთელი მძლეოსნების წარმატებული ასპარეზობა საქართველოს ჩემპიონატში

24-26 ივნისს თბილისში მძლეოსნობის სასახლემ საქართველოს ეროვნულ ჩემპიონატს უმასპინძლა მძლეოსნობაში. ასპარეზობაში საქართველოს გუნდებთან ერთად სომხეთის ნაკრები გუნდიც იღებდა მონაწილეობას. შეჯიბრზე ოზურგეთის მუნიციპალიტეტის სპორტულ – გამაჯანსაღებელ დაწესებულებათა გაერთიანებასთან არსებული მძლეოსანთა სექციის სპორტსმენები, რომელიც უკვ 10 წელია პირველ ლიგაში ასპარეზობენ, წარმატებით გამოვიდნენ და გუნდური ჩათვლადი |\/ საპრიზო ადგილი დაიკავეს. საქართველოს ჩემპიონის ტიტული და ორი ოქრო მოიპოვა სოფიკო შათირიშვილმა, ბირთვის კვრა (4 კგ) და ბადროს ტყორცნა 1(კგ) მწვრთნელები  (დ. მანთიძე, მ. კოტრიკაძე). ასევე საუკეთესოდ იასპარეზა ქეთევან მამალაძემ და ვერცხლი მოიპოვა ბადროს ტყორცნაში ( 1კგ), მწვრთნელები: დ. მანთიძე, მ. კოტრიკაძე. ვერცხლის მფლობელი გახდა უროს ტყორცნაში (7კგ) გოგა ჭიხვარია, მწვრთნელები (გ . ბედოშვილი, მ. კოტრიკაძე). ჩემპიონატზე თავი გამოიჩინეს და ოზურგეთის გუნდს გუნდურ ჩათვლაში ქულები შესძინეს: ქეთევან თევზაძემ, მერაბ მახარაძემ, გიორგი მელივამ, მიშიკო მახარაძემ.