25 – 27 ივნისს თბილისში, იოსელიანის სახელობის მძლეოსნობის სასახლეში საქართველოს ღია, პირადი ჩემპიონატი გაიმართა მძლეოსნობაში, დიდებს შორის. ოზურგეთის მუნიციპალიტეტის სპორტულ – გამაჯანსაღებელ დაწესებულებათა გაერთიანებასთან არსებულმა მძლეოსნობის სექციის სპორტსმენებმა ჩემპიონატზე პირველ ლიგაში, წარმატებით იასპარეზეს.
გია ვანაძე II ადგილი – შუბის ტყორცნა; მიშიკო მაცარაძე II ადგილი – სამხტომი; ქეთევან მამალაძე II ადგილი – ბადროს ტყორცნა; ლუკა ჯაფარიძე II ადგილი – ბირთვის კვრა; ქეთევან მამალაძე III ადგილი – ბირთვის კვრა;
მეორე საპრიზო ადგილი მოიპოვეს შვედურ ამანათმრბენში 400 x 300 x 200 x 100 ოზურგეთელმა ვაჟებმა: მიშიკო მახარაძემ, ლაშა ტუღუშმა, მერაბ ლატარიამ და გია ვანაძემ. ხოლო მესამე ადგილზე გავიდნენ შვედურ ამანათმრბენში 400 x 300 × 200 x 100 ოზურგეთელი გოგონები: ქეთევან თევზაძე, ელენე ჩავლეშვილი, ქეთევან მამალაძე და ლიზი ლომიძე.
გუნდი ასპარეზობისათვის მწვრთმელმა მარინე კოტრიკაძემ მოამზადა.
Loading ...