ოზურგეთელი გოგონები საფეხბურთო ტურნირის ფინალში გადავიდნენ

25 სექტემბერს  მარტვილში საფეხბურთო აკადემიის ბაზაზე ფეხბურთში გოგონათა (12 – 15 წლამდელთა შორის) მასტერლიგის მეორე ეტაპი გაიმართა.  საფეხბურთო შეჯიბრში ოზურგეთის მუნიციპალიტეტის სპორტულ – გამაჯანსაღებელ დაწესებულებათა გაერთიანებასთან არსებულმა გოგონათა საფეხბურთო სექციის გუნდმა, ,,ნიკეამ” მიიღო მონაწილეობა.

ოზურგეთელმა გოგონებმა წაატებით იასპარეზეს და მეორე ეტაპი მოგებით გაიარეს. ,,ნიკეამ ” ჯერ ფოთის გუნდი 3 : 1 დაამარცხა, შემდეგ კი წალენჯიხელებს სძლია  6 : 0   და დამაჯერებლად გადავიდა შეჯიბრის საფინალო ეტაპზე, რომელიც ნოემბრის თვეში თბილისში გაიმართება.

გუნდი ,, ნიკეა” შეჯიბრისთბის მწვრთნელებმა მიხეილ ღლონტმა და ლაშა ანთაძემ მოამზადეს.