ოზურგეთელი ნიკოლოზ კუტუბიძე ევროპის ჩემპიონია. ბერძნულ-რომაულ ჭიდაობაში, იტალიაში მიმდინარე 15 წლამდელთა ევროპის ჩემპიონატის ფინალში ოზურგეთელმა მოჭიდავემ (57 კგ წონითი კატეგორია) უნგრელი მილან ბუდაი 3 : 2 დაამარცხა და კარიერაში მეორედ დაეუფლა კონტინენტური პირველობის ოქროს მედალს. მწვრთნელი – კახაბერ აბაშიძე.
ამავე ტურნირზე ოზურგეთელი გაბრიელ თავბერიძე ევროპის ვიცე-ჩემპიონი გახდა. ევროპის ჩემპიონატის ფინალში თავბერიძე ნეიტრალური დროშის ქვეშ მოასპარეზე მატვეი კოლენიჩენკოსთან დამარცხდა. მწვრთნელები – ძმები ზურაბიანები.
კიდევ ერთი ოზურგეთელი გიორგი ჩხიკვაძე ბრინჯაოს მედალს დაეუფლა. იტალიაში მიმდინარე 15 წლამდელთა ევროპის ჩემპიონატზე მან ბრინჯაოს შეხვედრაში აზერბაიჯანელი რაჰიდ აჰმადოვი 9-0 დაამარცხა. მწვრთნელი – კობა ბალავინოვი.
კომენტარები
Loading ...