ოზურგეთელი ახალგაზრდა კარატისტების წარმატება

16 აპრილს თბილისში, დიღომში ძიუდოს აკადემიაში გაიმართა საქართველოს ჩემპიონატი გოჯუ-რიუ კარატე დოში 18 წლამდელთა შორის. ჩემპიონატში იბრძოლა სამასმა კარატისტმა. ასპარეზობაში მონაწილეობა ოზურგეთის მუნიციპალიტეტის სპორტულ – გამაჯანსაღებელ დაწესებულებათა გაერთიანებასთან არსებულმა ტაეკვონდოს სექციის ხუთმა სპორტსმენმა მიიღო. ჩემპიონატზე ხუთივე კარატისტი ბრწყინვალედ გამოვიდა და ისინი შინ მედლებით დაბრუნდნენ. ნიკოლოზ ლაბარტყავა (8 – 9 წელი; 27 კგ) I ადგილი, ვიკა ლაბარტყავა ( 11 – 12 წელი; 37 კგ) I ადგილი, ლუკა გურასაშვილი ( 10 – 11 წელი ; 32 კგ) II ადგილი, ნია გურასაშვილი (10 -11 წელი; 37 კგ) II ადგილი, დანიელ ხუციშვილი (6 – 7 წელი; 20 კგ) III ადგილი. ოზურგეთის გუნდი მწვრთნელმა  ირაკლი ტუღუშმა მოამზადა.