ოზურგეთელი აღმოსავლური ორთაბრძოლის სპორტსმენები პრესტიჟული ტურნირიდან მედლებით დაბრუნდნენ

23 აპრილს თბილისში ქართულ-ბრიტანულ აკადემიაში ჯიუ – ჯუცუში საქართველოს ტური გაიმართა. საერთაშორისო ტურნირში, სადაც 12 ქვეყნის 176 სპორტსმენი იღებდა მონაწილეობას, წარმატებით იასპარეზეს ოზურგეთის მუნიციპალიტეტის სპორტულ-გამაჯანსაღებელ დაწესებულებათა გაერთიანებასთან არსებულმა ტაეკვანდოს სექციის მოსწავლეებმა. შეჯიბრიდან ოზურგეთელი სპორტსმენები 4 მედლით დაბრუნდნენ. II ადგილი ნიკოლოზ ერქომაიშვილი – 7 წლის – 24 კგ, ნათია ტუღუში – 9 წლის – 29 კგ, III ადგილი საბა ჟორჟოლიანი – 6 წლის – 20 კგ, დანიელ ხუციშვილი – 7 წლის – 22 კგ. ოზურგეთის გუნდი ასპარეზობისთვის ირაკლი ტუღუშმა მოამზადა.