თბილისის საქალაქო სასამართლოს მოსამართლე ლელა კალიჩენკომ 4 ოქტომბრის მოვლენებზე დაკავებულ კიდევ 10 პირს აღკვეთის ღონისძიების სახით პატიმრობა შეუფარდა.
მათ შორის არიან ოზურგეთელები კახა კვაჭანტირაძე და სიმონ მახარაძე, რომლებიც 17 ოქტომბერს ოზურგეთში დააკავეს. აღკვეთის ღონისძიების სახედ პატიმრობა შეუფარდეს კიდევ რვა პირს, ესენი არიან: დათო ღურწკაია, ჯანდრი თირქია, მამა-შვილი გია და მიხეილ თოლორაია, გური ჟვანია, ავთანდილ თოფჩიშვილი, გენადი კელიხაშვილo, რამაზ ჯორბენაძე.
მათ ბრალად ედებათ ჯგუფურ ძალადობაში მონაწილეობა, ნაწილს კი ბრალი დამატებით წარდგენილი აქვს შემდეგი მუხლით – სტრატეგიული და განსაკუთრებული მნიშვნელობის ობიექტის ხელში ჩაგდების მცდელობა, ჩადენილი ჯგუფურად.
პროკურატურა 10-ივე მათგანისთვის პატიმრობის გამოყენებას მოითხოვდა. ბრალდების მხარის პოზიციით, სხვა უფრო ნაკლებად მძიმე აღკვეთის ღონისძიებას შემაკავებელი ეფექტი ვერ ექნება.
დაცვის მხარე არ დაეთანხმა პროკურატურას. მათი თქმით, არ არსებობს ბრალდების მიერ გაჟღერებული არცერთი საფუძველი – არც ახალი დანაშაულის ჩადენის, არც მტკიცებილებათა განადგურებისა და არც მიმალვის საფრთხე. ნაწილმა მათგანმა სასამართლოს აღკვეთის ღონისძიებების სახით გირაოს გამოყენება შესთავაზეს.
კომენტარები
Loading ...