ოდესაში გამტაცებელმა ავტომობილი ვერ დაქოქა და ევაკუატორი გამოიძახა

ოდესაში მანქანის ქურდმა სპეციალური ხელსაწყოს ე.წ. “ატმიჩკის”  საშუალებით მანქანა გააღო, მაგრამ მისი დაქოქვა ვერ შეძლო და ევაკუატორი გამოიძახა.

უკრაინის ეროვნული პოლიციის რეგიონული განყოფილების ცნობით, მათ 21 წლის მანქანის მეპატრონემ ქურდობის შესახებ განცხადებით მიმართა. მეორე დღეს სამართალდამცავებმა ეჭვმიტანილი დააკავეს და დაადგინეს ადგილი, სადაც მოპარული მანქანა იყო.

”გამოძიებით დადგინდა, რომ 38 წლის ადგილობრივმა მაცხოვრებელმა სპეციალური ხელსაწოთი გააღო მანქანის კარი, მაგრამ ვერ აამუშავა და ევაკუატორი გამოიძახა, რომელმაც მოპარული მანქანა მის მიერ  მითითებულ მისამართზე გადაიტანა. როგორც აღმოჩნდა, მამაკაცმა მაშინვე გაყიდა მანქანა ნაწილებისათვის, მაგრამ პოლიციამ შეძლო მისი ხელუხლებელი პოვნა და მანქანა თავის კანონიერ მფლობელს დაუბრუნა .”- ნათქვამია პოლიციის განცხადებაში.

esp.md