“ნუ მესვრი”- ოზურგეთში ,ჭადრების ბაღში ჟურნალისტების აქცია გაიმართა. ”გურია TV” – სა და ”გურიის მოამბეს” ჟურნალისტებმა, საზოგადოების ნაწილთან ერთად გუშინ თბილისში განვითარებული მოვლენები გააპროტესტეს. აქციაში მონაწილეთა თქმით, დაუშვებელია მოქალაქეების დარბევა და ხელის შეშლა ჟურნალისტურ საქმიანობაში. აქციის მონაწილეებმა შეკრებაზე დამნაშავეთა დასჯა მოითხოვეს. 21 ივნისს საქართველოს პარლამენტის წინ მედიის 31 წარმომადგენელი დაშავდა. ტელეკომპანია ,,რუსთავი ორის“ ჟურნალისტს ოპერაციაც დასჭირდა. მთელი საქართველოს მასშტაბით ჟურნალისტების აქცია დღეს ჟურნალისტური ეთიკის ქარტიამ დაანონსა და გაავრცელა.
კომენტარები
Loading ...
