საქართველოს სახალხო დამცველი ნინო ლომჯარია ნინოწმინდის ბავშვთა პანსიონში იმყოფება.
ომბუდსმენის აპარატის ინფორმაციით, 2018 წლის შემდეგ, ეს სახალხო დამცველის პირველი ვიზიტი ნინოწმინდის პანსიონში.
ამასთან, პანსიონში იმყოფება საპატრიარქოს იურისტი ედიშერ ქარჩავა.
„მიმდინარეობს პროცესი. როდესაც შევალთ და გავერკვევით, კომენტარს გააკეთებს მეუფე. კანონს პატივს ვცემთ და კანონი აღსრულდება“, – განაცხადა ედიშერ ქარჩავამ.
შეგახსენებთ, 17 ივნისს ნინოწმინდის პანსიონის ხელმძღვანელ, მეუფე იაკობსა და ნინო ლომჯარიას შორის საქართველოს საპატრიარქოს წმინდა ანდრია პირველწოდებულის სახელობის ქართულ უნივერსიტეტში შედგა შეხვედრა, რომლის დასრულების შემდეგაც, ნინო ლომჯარიამ მედიას განუცხადა, რომ კონსტრუქციული საუბარი გაიმართა და პანსიონში ერთობლივად ჩასვლა იგეგმებოდა.
ნინოწმინდის პანსიონიდან ფოტო სახალხო დამცველის აპარატმა გაავრცელა.
Loading ...