ნინო დათაშვილი 5 000-ლარიანი გირაოს სანაცვლოდ გაათავისუფლეს – მოსამართლე თამარ მჭედლიშვილმა დათაშვილს შეფარდებული აღკვეთის ღონისძიება პატიმრობა, გირაოთი შეუცვალა.
ნინო დათაშვილს გირაოს გადასახდელად 30-დღიანი ვადა მისცეს – ის საპატიმროს დღესვე დატოვებს.
“მე ვენდობი ჩემს ადვოკატებს, ბრწყინვალე ადვოკატები მყავს, ვიცი რომ ჩემი უფლებებისთვის სწორს ამბობენ. ჩემი გადარჩენაა აქედან გაშვება დღეს. მადლობა მინდა გადავუხადო ციხის ადმინისტრაციას, ექიმებს, მკურნალ ექიმს, ყველაფერს აკეთებდნენ ჩემი ჯანმრთელობის გასაუმჯობესებლად, მაგრამ არ გამოვიდა და მჭირდება ოპერაცია” – განაცხადა დათაშვილმა პროცესზე დისტანციურად ჩართვისას.
ადვოკატების და ოჯახის ცნობით, ციხეში ნინო დათაშვილის ჯანმრთელობის დამძიმდა, მას რამდენიმე ოპერაცია სჭირდება.
მომდევნო სასამართლო სხდომა 13 ნოემბერს, 12:00 საათზე ჩაინიშნა.
პროკურატურამ 29 ოქტომბერს განცხადება გაავრცელა, სადაც წერდნენ რომ “ბრალდებულ ნინო დათაშვილის ჯანმრთელობის მდგომარეობის გათვალისწინებით სასამართლოს შუამდგომლობით მიმართავს,რომ ბრალდებულს აღკვეთის ღონისძიების სახით შეფარდებული პატიმრობა გირაოთი შეეცვალოს”.
ცნობისთვის, ჯანმრთელობის მდგომარეობის გაუარესების გამო, ნინო დათაშვილმა მის ბოლო 2 სასამართლო პროცესზე დასწრება ვერ შეძლო. ის დღევანდელ პროცესზე დისტანციურად ჩაერთო.
ნინო დათაშვილი 20 ივნისს სამსახურებრივი მოვალეობის შესრულების დროს, სასამართლოს მანდატურზე განხორციელებული თავდასხმის ბრალდებით დააკავეს. სისხლის სამართლის კოდექსის შესაბამისი მუხლი 4-დან 7 წლამდე ვადით თავისუფლების აღკვეთას ითვალისწინებს.
Loading ...