”თუ დღეს არ ხარ სწორ მხარეს, თუ ვერ ხედავ რა ხდება ჩვენს რეალობაში და არ შეგიძლია ამ ყველაფერთან დაკავშირებით შენი საჯარო პოზიცია გქონდეს, ეს ნიშნავს რომ შენ არ ხარ არსად და ყველა შენი შრომა და ნაბიჯი არის უბრალოდ უმიზნო’‘ – ეს სიტყვები ნინე ულუმბელაშვილს ეკუთვნის, ახალგაზრდა ქალს ოზურგეთიდან, რომელიც ბოლო ორი წელია სამოქალაქო აქტივიზმის ფლანგიდან იბრძვის ჩვენი გარემოს უკეთესობისკენ შეცვლისთვის,რაც განსაკუთრებით ქვეყნის დასავლური ორიენტაციის სადარაჯოზე დგომით გამოიხატება. ნინემ თანამოაზრეებთან ერთად სამოქალაქო მოძრაობა ”თავისუფლებისთვის” დააფუძნა და მეგობრებთან ერთად გეგმავს ჩვენი ქვეყნის პოზციისთვის მნიშვნელოვან აქტივობებს. ნინე ულუმბელაშვილისთვის საქართველოს წარსულის, აწმყოს თუ მომავლის მტერი ოკუპანტი რუსეთია და აღნიშნავს, რომ აუცილებელია ქართულ პოლიტიკაში მტრის იდენტიფიკაცია ცალსახად მოხდეს, რათა ქვეყანა ევროპულ კურსს არ აცდეს და ევროპის დიდ ოჯახში საკუთარი ადგილი დაიმკვიდროს. ეს ნინეს და მისი მეგობრების ყველაზე დიდი ოცნებაა.
„ეს ვიდეო შექმნილია კამპანია „ეს ქვეყანა შენიას“ ფარგლებში, რომელსაც ახორციელებს სამოქალაქო საზოგადოების ინსტიტუტი ევროკავშირისა და კონრად ადენაუერის ფონდის მხარდაჭერით. მის შინაარსზე სრულად პასუხისმგებელია გურიაTV და შესაძლოა, რომ იგი არ გამოხატავდეს სამოქალაქო საზოგადოების ინსტიტუტის, ევროკავშირისა და კონრად ადენაუერის ფონდის შეხედულებებს.“
Loading ...