ნიკოლას მადურო – უდანაშაულო ვარ, წესიერი ადამიანი ვარ და კვლავ ჩემი ქვეყნის პრეზიდენტი

ნიკოლას მადურო თავს უდანაშაულოდ ცნობს, – ინფორმაციას Reuters-ი ავრცელებს.

„უდანაშაულო ვარ, დამნაშავე არ ვარ, წესიერი ადამიანი ვარ და კვლავ ჩემი ქვეყნის პრეზიდენტი ვარ“, – განაცხადა მადურომ სასამართლოში.

თავი უდანაშაულოდ ცნო მადუროს მეუღლემაც.

„სრულიად უდანაშაულო ვარ“, – აღნიშნა სილია ფლორესმა.

BBC-ი წერს, რომ მადურო სასამართლოში პატიმრის ფორმაში, ფეხებზე ბორკილებით შეიყვანეს. მისი მეუღლე, სილია ფლორესი, ასევე მსგავს ფორმაშია გამოწყობილი. მადუროს და ფლორესს ხელებზე ბორკილები არ აქვთ, რაც საშუალებას აძლევს, ხელი ჩამოართვან ადვოკატს. სასამართლო დარბაზში კამერების შესვლა აკრძალულია, თუმცა ზოგიერთ რეპორტიორს, მათ შორის “ბიბისის” ამერიკულ საინფორმაციო პარტნიორს CBS-ს, უფლება აქვს ჩანაწერები გაგზავნოს.

მოსამართლის ბრძანებით, ნიკოლას მადურო და მისი მეუღლე სასამართლოში 17 მარტს უნდა გამოცხადდნენ.

ასევე, მადუროს ადვოკატმა განაცხადა, რომ მისი კლიენტი ამ ეტაპზე გირაოთი გათავისუფლების მოთხოვნას არ აპირებს.

ადვოკატების ცნობით, მადუროსა და მის მეუღლეს ჯანმრთელობასთან დაკავშირებული პრობლემები აქვთ.

ნიუ-იორკის სასამართლოში მოსმენა დაახლოებით 30 წუთს გაგრძელდა.