"ნიკა მელია კრიმინალია" – ირაკლი ღარიბაშვილი

პრემიერ-მინისტრმა ირაკლი ღარიბაშვილმა განაცხადა, რომ ხელისუფლება ყოველთვის მზად არის ოპოზიციასთან დიალოგისთვის, თუმცა ყოველგვარი პირობების გარეშე.

ირაკლი ღარიბაშვილის თქმით, დესტრუქციული პოლიტიკა სწორედ მიხეილ სააკაშვილისგან და მის მიერ დანიშვნული სახვადასხვა კრიმინალებისგან მომდინარეობს.

პრემიერობის კანდიდატმა ნიკა მელიას საკითხს გაუსვა ხაზი :

“ერთი რამ ახსოვდეს ყველას, რომ არც პოლიტიკური პარტია, არც რაიმე თანამდებობა ამ ქვეყანაში არ იქნება მათი დანაშაულების და კრიმინალის თავშესაფარი და თუ ისინი ღიად აცხადებენ, რომ რომ მათი პარტია არის კრიმინალების და ტერორისტების თავშესაფარი, ესეც მორიგი აღიარებაა ჩვენი პროკურატურისათვის. ასე რომ, ჩემი პასუხი მარტივია, – კანონი უნდა აღსრულდეს და ჩვენს ქვეყანაში უნდა იყოს წესრიგი და ყველა ის ადამიანი თუ ორგანიზაცია, რომელიც გასულია დროებით ამ კონსტიტუციური ჩარჩოებიდან, მათ მოუწევთ ამ ჩარჩოებში დაბრუნება, მე ამის გარანტიას ვიძლევი.

ბატონი მელია, სადაც არ უნდა იმალებოდეს, ვერ დაემალება მართლმსაჯულებას, კანონი უნდა აღსრულდეს და კანონი აღსრუდება.

ასევე, მისი თქმით, ნიკა მელია კრიმინალია, მათ შორის, ბანკი “ქართუს” გაკოტრების საქმეზეც.

“ჩვენი მიდგომა არის შემდეგი, ყველა იმ კონსტრუქციულად განწყობილ ოპოზიციას, ვისაც სურს, რომ ამ მძევლობიდან და ძალადობიდან გამოეყოს, მოხდეს მათი დისტანცირება დესტრუქციული პოლიტიკისგან, რომელიც მომდინარეობს პირდაპირ სააკაშვილისგან და მისი დანიშნული სხვადასხვა კრიმინალებისგან, ამ შემთხვევაში, მელიას ვგულისხმობ, დიახ ის კრიმინალია იმიტომ, რომ სასამართლომ შერაცხა ის კრიმინალად, ბანკი “ქართუს” გაკოტრების საქმეზეც, რაც ყველას ავიწყდება და ეს არის უბრალოდ რაღაც ალიბი და მე ყველას შეგახსენებთ, რომ ამ ქვეყანაში ალიბი, არ შეიძლება იყოს პოლიტიკური პარტიის ფორმალური თავმჯდომარეობა,” – განაცხადა ირაკლი ღარიბაშვილმა.