ნიდერლანდებში ბოლო 24 საათში კორონავირუსის 111 ახალი შემთხვევა დაფიქსირდა. ამის შესახებ ინფორმაციას „როიტერი“ ავრცელებს.
საერთაშორისო საინფორმაციო სააგენტოს ცნობით, ინფიცირებულების საერთო რაოდენობამ 614-ს მიაღწია. დაღუპულია ხუთი ადამიანი.
არსებული ვითარებიდან გამომდინარე, ნიდერლანდებში ხელისუფლებამ განსაკუთრებული ზომების მიღება გადაწყვიტა. ქვეყნის პრემიერ-მინისტრის განცხადებით, კორონავირუსის გავრცელების შესაკავებლად დაიხურება ორი ყველაზე ხალხმრავალი ტურისტული ადგილი, ვან გოგის მუზეუმი და რეიკსმუზეუმი.
ამასთან, აიკრძალება ისეთი ღონისძიებების გამართვა, რომლებშიც 100-ზე მეტი ადამიანი მონაწილეობს. ქვეყანაში დროებით არ გაიმართება სპორტული ღონისძიებები და კონცერტები.
პრემიერ-მინისტრმა განაცხადა, რომ ის ადამიანები, რომლებსაც სახლიდან მუშაობა შეუძლიათ, ამ ზომას უნდა მიმართონ. კომპანიებმა კი სამუშაო ადგილებზე თანამშრომლების რაოდენობის შემცირების გარკვეული ზომები უნდა მიიღონ.
www.1tv.ge
Loading ...
