პროკურატურის ცნობით, დიდი ოდენობით ქონების წინასწარი შეთანხმებით ჯგუფურად მითვისების ფაქტზე ორ პირს ბრალდება წარედგინა.
“სამცხე-ჯავახეთის საოლქო პროკურატურის მიერ ჩატარებული გამოძიებით დადგინდა, რომ ბრალდებულებმა, რომლებსაც ნიდერლანდების მოქალაქის კუთვნილი მსხვილფეხა რქოსანი პირუტყვის მოვლა-პატრონობა ევალებოდათ, 298 170 ლარის ღირებულების 194 სული პირუტყვი უკანონოდ გაასხვისეს, ხოლო რეალიზაციიდან მიღებულ თანხას მართლსაწინააღმდეგოდ დაეუფლნენ.
ბრალდებულებს, მათ შორის ერთ-ერთს დაუსწრებლად, ბრალდება სისხლის სამართლის კოდექსის 182-ე მუხლის მეორე ნაწილის “ა“ და მესამე ნაწილის “ბ“ ქვეპუნქტებით (მითვისება, ჩადენილი წინასწარი შეთანხმებით ჯგუფურად და დიდი ოდენობით) წარედგინათ, რაც სასჯელის სახედ და ზომად შვიდიდან თერთმეტ წლამდე თავისუფლების აღკვეთას ითვალისწინებს” – წერია პროკურატურის განცხადებაში.
მათივე ინფორმაციით, ბრალდებულებისთვის აღკვეთის ღონისძიების სახით პატიმრობის გამოყენების შუამდგომლობით სასამართლოს კანონით დადგენილ ვადაში მიმართავენ.
Loading ...