ოზურგეთის მუნიციპალიტეტის სოფელ შემოქმედის მოსახლეობის ნაწილის ერთ-ერთი პრობლემა უწყლობაა. სოფელში წყალმომარაგების სისტემა არ ფუნქციონირებს. ეს კი ადგილობრივებს არაერთ პრობლემას უქმნის. სოფლის მაცხოვრებლები სასმელად ვარგის წყალს ჭიდან იღებენ. თუმცა, ზაფხულობით ჭაში წყალი იკლებს ან შრება, ეს კიადგილობრივებს მეტ დისკომფორტს უქმნის. რამდენიმე წლის წინ სოფელში წყლის მილები გაიყვანეს, თუმცა მალევე პროექტი შეჩერდა და მოსახლეობა კვლავ ჭის წყლის იმედად დარჩა. სოფლის მოსახლეობის თქმით, ხელისუფლება მათ წყალმომარაგების სისტემის გაკეთებას ჰპირდება, თუმცა დაპირება დაპირებად რჩება.
მასალის ავტორები დაუკავშირდნენ სოფლის რწმუნებულსაც, მაგრამ მას კითხვაზე, როდის იქნება სოფელ შემოქმედში ცენტრალური წყალგაყვანილობის სისტემა, პასუხი არ გაუცია.
ავტორები: ლიკა თურქაძე და მარიამ მუჯირი
მომზადებულია პროექტის “მეტი მედია განათლება – ნაკლები სივრცე ფეიკ-ნიუსებისა და დეზინფორმაციისთვის” ფარგლებში.
Loading ...
