„ნაციონალური მოძრაობის“ ოფისთან მოშიმშილე სამი ადამიანი, ჯანმრთელობის მდგომარეობის გაუარესების გამო კლინიკაში გადაიყვანეს. ამის შესახებ „ინტერპრესნიუსს” „ნაციონალური მოძრაობის” ერთ-ერთმა წევრმა, გიორგი ბოტკოველმა განუცხადა.
მისი თქმით, დღეს სამივეს გადასხმა ჩაუტარდა და ხვალ დილით გახდება ცნობილი, შეძლებენ თუ არა ისინი შიმშილობის გაგრძელებას.
„დღეს სამი ადამიანი გადაიყვანეს კლინიკაში. ადგილზე ჩაუტარდათ გამოკვლევები და სასწრაფოს ექიმებმა საჭიროდ ჩათვალეს, რომ გადაეყვანათ კლინიკაში.
დილით გვეცოდინება გააგრძელებენ თუ არა შიმშილობას, გადასხმები დაენიშნათ დღეს”, – განაცხადა გიორგი ბოტკოველმა.
კომენტარები
Loading ...