“ნაციონალური მოძრაობა” ოზურგეთში “ალტ-ინფოს” ოფისის გახსნას აპროტესტებს

ოზურგეთში პოლიტიკური ორგანიზაცია “ალტ-ინფოს” ოფისის გახსნა იგეგმება. გავრცელებული ინფორმაციით ოფისისთვის ოზურგეთში, გურიის ქუჩაზე ოთხსართულიან შენობას ახლა არემონტებენ. ადგილზე მისულ გადამღებ ჯგუფს იქ შესვლის და კადრების გადაღების საშუალება არ მიეცა.

,,ალტ ინფოს’’ ოფისის გახსნას ,,ერთიანი ნაციონალური მოძრაობის’’ ოზურგეთის ორგანიზაციის წარმომადგენლები აპროტესტებენ. ორგანიზაციის თავმჯდომარის, დავით მჟავანაძის განცხადებით, მაშინ როცა უკრაინაში ომი მიმდინარეობს, ისინი არ დაუშვებენ რუსული დაკვეთის შესრულებას და ოზურგეთში “ალტ-ინფოს” ოფისის გახსნას.