ნარენდრა მოდის ინდოეთი

ინდოეთში არჩევნების შედეგს ითვლიან. ამ ქვეყანაში არჩევნები 44 დღე გრძელდებოდა, რადგან ინდოეთის 1.4 მილიარდიან მოსახლეობაში 960 მილიონ ადამიანს აქვს ხმის მიცემის უფლება. თუკი ა.შ.შ.-ის არჩევნები უმნიშვნელოვანესია, ინდოეთის არჩევნები უდიდესია მსოფლიოს მასშტაბით. Ქვეყნის პრემიერ-მინისტრი ნარენდრა მოდი ცდილობს მესამე ვადით დარჩეს ხელისუფლებაში. Დამოუკიდებლობის მოპოვების შემდეგ, პირველი პრემიერ-მინისტრი ჯავაჰარლალ ნერუ ინდოეთს სეკულარულ სახელმწიფოდ ხედავდა, მოდის ხელისუფლების დროს კი რელიგია სულ უფრო მეტ მნიშვნელობას იძენს. 1.4 მილიარდიანი მოსახლეობის 15 პროცენტს მუსლიმები შეადგენენ, მათი მდგომარეობა სულ უფრო უარესდება და ქვეყანა უკომპრომისო ინდუისტური ნაციონალიზმის გზას ადგას. მიუხედავად მუსლიმებსა და ინდუისტებს შორის ხშირი კონფლიქტისა და ადამიანის უფლებების საგანგაშო მდგომარეობისა, ევროპულ ქვეყნებს ინდოეთის მიმართ ინტერესი გაუცხოველდათ და მას ჩინეთის ალტერნატივად განიხილავენ იაფი მუშახელისა და იაფი პროდუქციის პოპულარული იდეის ფარგლებში.

Საინტერესოა, რომ 2005 წლიდან 2014 წლამდე (ამ წელს ის პრემიერი გახდა), მოდის ა.შ.შ.-ის ვიზას არ აძლევდნენ, რადგან 2002 წელს გუჯარათის შტატის მთავრობის მეთაურობისას მან ანტიმუსლიმურ პროტესტს მწვანე შუქი აუნთო და არეულობისას 1000 ადამიანი დაიღუპა.ყმაწვილკაცობისას იგი ძმასთან ერთად ჩაის ყიდდა, 17 წლისა დაქორწინდა და ქორწილიდან მალევე ცოლს გაეყარა ბერად აღკვეცის საბაბით, თუმცა ბერობის ნაცვლად პოლიტიკური მეცნიერებები შეისწავლა და რადიკალური ინდუისტური ორგანიზაციის წევრი გახდა.

ფოტო: სახლი, სადაც ნერანდრა მოდი დაიბადა.

Მოდიმ ინდოეთი გლობალურ მოთამაშედ აქცია და ეკონომიკას ამჟამად დაახლოებით 8 პროცენტიანი ზრდა აქვს. იგი ცდილობს ქვეყნის დიგიტალიზაციას და შეიმუშავა სოციალური პროგრამები გაჭირვებული მოსახლეობისათვის. ქვეყანაში შენდება ტუალეტები, ხიდები და ავტობანები, ახლდება მატარებლის ლიანდაგები, შენდება ახალი აეროპორტები, გაჰყავთ ელექტროობა და გაზი. Მოდი თავის ამომრჩეველს პირდება, რომ ქვეყანა ათწლეულის ბოლოს მსოფლიოს სიდიდით მესამე ეკონომიკა იქნება. 73 წლის ნარენდრა Მოდი კარგი ორატორია ავტოკრატიული მანერებით და ინდოეთში თავისი  კულტის დამკვიდრებას ცდილობს. Ერთხელ ინტერვიუში ბრიტანულ “გარდიანს” განუცხადა, რომ იგი ღმერთის რჩეული და მისი იარაღია.

იᲜდოეთს პრობლემები მაინც თავზე საყრელად აქვს: ახალგაზრდობის დიდი ნაწილი უმუშევარია, ჯანდაცვის სისტემა უვარგისია და არ ფუნქციონირებს, ქვეყანაში განათლების დონე კი ძალიან დაბალია.

ავტორი: ლაშა ჩხაიძე