"ნამახვანჰესის" მოწინააღმდეგეები გუმათში, "ენკას" ოფისთან მივიდნენ

„ნამახვანჰესის” მშენებლობის მოწინააღმდეგეები სოფელ გუმათის შესასვლელთან იმყოფებიან.

უფრო კონკრეტულად, კი “რიონის ხეობის მცველები” კომპანია “ენკას” ერთ-ერთ ოფისთან მივიდნენ, რომელიც სოფლის შესასვლელში მდებარეობს.

როგორც ჟურნალისტებს აქტივისტებმა ქუთაისში განუცხადეს, თუ რას აპირებენ და რა გეგმები აქვთ, ამის შესახებ სწორედ გუმათში ჩასვლის დროს გააცნობენ საზოგადოებას.

როგორც ამ დრომდე იყო ცნობილი, ისინი რიონის ხეობის შესასვლელის ჩაკეტვას გეგმავდნენ, თუმცა შეცვალეს თუ არა გეგმა, ჯერჯერობით ცნობილი არ არის.