ნაბეღლავში მეწყერი ჩამოწვა – დაზიანებულია ელექტროგადამცემი ბოძები, გზის საფარი

ჩოხატაურის მუნიციპალიტეტის სოფელ ნაბეღლავში მეწყერი ჩამოწვა. წაქცეულია ელექტროგადამცემი ბოძები, დაზიანებულია გზის საფარი.

ადგილზე მობილიზებულია ენერგო-პროსა და გზების დეპარტამენტის ბრიგადები,  სამაშველო სამსახური და პოლიცია.

ამ მომენტისთვის გზა გახსნილია. მიმდინარეობს გზის გაწმენდის და ელექტრო-ენერგიის აღდგენითი სამუშაოები.

ინფორმაციას ჩოხატაურის მუნიციპალიტეტის საკრებულოს წევრი, ნაბეღლავი, ქვაბღა, ჩხაკაურა, ხევის მაჟორიტარი დეპუტატი ზვიად მამალაძე ავრცელებს.