კომპანია “წყალი მარგებელის” თანამშრომლების გაფიცვა გრძელდება. დასაქმებულები უკვე მეოთხე დღეა გაფიცულები არიან და ანაზღაურების გაზრდას, ასევე შრომის პირობების გაუმჯობესებას ითხოვენ. პროცესში უკვე პროფესიული კავშირების გაერთიანებაც ჩაერთო.როგორც გაფიცულები ამბობენ, კომპანიას მოლაპარაკების დაწყება პროფკავშირის ჩართვის გარეშე სურს. შესაბამისად, ამჟამად გაფიცულები იმაზე მსჯელობენ, კომპანიის წინ მოლაპარაკების მაგიდასთან მარტონი დასხდნენ თუ პროფკავშირის წარმომადგენელი დაისწრონ. პროფკავშირის იურისტი ირაკლი მხეიძე კი აცხადებს, რომ კომპანიამ “წყალი მარგებელი” თანამშრომლების შრომითი უფლებები დაარღვია, ამჟამად ზეპირი დაპირებებით შემოიფარგლება და პროცესის სამართლებრივ ჩარჩოებში მოქცევა არ სურს.
კომენტარები
Loading ...