ბორჯომში, ხუთსართულიანი შენობიდან ბოლაჯურში მცხოვრები 35 წლის კაცი გადმოვარდა. შემთხვევის ადგილზე მისულ სასწრაფო–სამედიცინო დახმარების ჯგუფს იგი გარდაცვლილი დახვდა. შემთხვევა გუშინ, 3 სექტემბერს მოხდა.
გარდაცვლილის ცხედარი ლევან სამხარაულის სახელობის სასამართლო ექსპერტიზის ახალციხის ბიუროში გადაასვენეს. ექსპერტის, დავით მერაბიშვილის განცხადებით, ცხედარს მრავლობითი დაზიანებები აღენიშნებოდა.
„სამხრეთის კარიბჭეს“ ინფორმაციით, გარდაცვლილი შპს „ბესთ ბილდ გრუპში“ იყო დასაქმებული, რომელიც ბორჯომში სამშენებლო/სარეაბილიტაციო სამუშაოებს ასრულებდა. მომხდარის შესახებ დამატებითი ინფორმაციის მისაღებად რედაქციამ კომპანიასთან დაკავშირება სცადა, თუმცა მათ კომენტარზე უარი განაცხადეს.
რა მუხლით დაიწყო შსს–მ მომხდარზე გამოძიება და დაიწყო თუ არა შრომის ინსპექციის სამსახურმა მომხდარის მოკვლევა, ამ ეტაპზე უცნობია, რედაქცია დამატებით დეტალებს არკვევს.
Loading ...